सन् २०१९ को पहिलो पाँच महिनामा ६२५ नेपाली विद्यार्थीले अमेरिकाको विद्यार्थी भिसा पाएका छन् । त्यसमध्ये पनि मे महिनामा मात्र ४५१ नेपाली विद्यार्थीलाई अमेरिकाले विद्यार्थी भिसा दिएको छ । यो आँकडा अमेरिकाले एकै महिनामा नेपाली विद्यार्थीलाई दिएको अहिलेसम्मकै सबैभन्दा बढी विद्यार्थी भिसा संख्या हो । 

यस वर्षको फेब्रुअरी महिनामा भने ११ जना नेपालीलाई मात्र विद्यार्थी भिसा दिइएको छ । कुनै पनि एक महिनामा यति थोरै विद्यार्थीले भिसा पाएको पनि यो पहिलो पटक हो । 

काठमाण्डूस्थित अमेरिकी दूताबासको कन्सुलर शाखाले उपलव्ध गराएको तथ्यांकअनुसार सन् २०१९ को जनवरीमा ४६, फेब्रुअरीमा ११, मार्चमा २२, अप्रिलमा ९५ र मेमा ४५१ नेपाली विद्यार्थीलाई विद्यार्थी भिसा दिइएको छ ।