नेपालमा आइतबारदेखि मनसुन सुरूभएसँगै असारे झरी सुरू भएको छ। नेपालमा जुन १० देखि मनसुन हुने भए पनि यो वर्ष १० दिन ढिलो जुन २० बाट मात्र सुरू भएको हो ।
जल तथा मौसम विज्ञान विभागका अनुसार ढिलो गरी सुरु भए पनि मनसुन एकसाथ देशको पूर्वदेखि पश्चिमसम्मै सक्रिय भएको छ । पछिल्लो २४ घण्टामा पूर्व र मध्य क्षेत्रसँगै सुदूरपश्चिममा अधिकांश स्थानमा वर्षा हुनथालेको छ।
मौसम सुरू भएको पहिलो दिन काठमाण्डूमा २४ मिलिमिटर वर्षा भएको छ भने नेपालगन्जमा ७९, वीरेन्द्रनगरमा ३४ र धनगढीमा ९ मिलिमिटर वर्षा भएको छ।
वर्षा हुने क्रम आउने दिनमा जारी रहने जनाउँदै विभागले हिमाली भेगमा हिमपात हुने क्रम पनि सुरु भइसकेको जनाएको छ ।
जल तथा मौसम विज्ञान विभागका अनुसार नेपालमा सामान्य अवस्थामा जुन १० देखि सेप्टेम्बर २३ सम्म लगभग १०० दिन मनसुन सक्रिय हुँदा कुल वर्षाको झन्डै ८० प्रतिशत वर्षा हुने गर्छ।
.JPG)
