नेपालका प्रधानमन्त्री केपी शर्मा ओलीले लोकसभा चुनावमा शानदार बिजय हासिल गर्ने क्रममा रहेका भारतीय प्रधानमन्त्री नरेन्द्र मोदीलाई फोन गरेर बधाई दिएका छन् ।
बिहीवार साँझ एक ट्विट गर्दै प्रधानमन्त्री ओलीले आफूले मोदीलाई फोन गरेर बधाई दिएको जनाएका छन् ।
प्रधानमन्त्री ओलीले भारतीय समकक्षी नरेन्द्र मोदीलाई बधाई दिने पहिलो सरकार प्रमुख भएका छन्।
ओलीले मोदीको अबको कार्यकाल पनि सफल रहोस् भनि कामना पनि गरेका छन् । बधाई सन्देशमा प्रधानमन्त्री ओलीले मोदीको अबको कार्यकालमा पनि सहकार्य गरेर अघि बढ्ने उल्लेख गरेका छन् ।
