अमेरिकाको क्यालिफोनिर्यामा एक 'हेट क्राइम' भएको छ। सानडियगो नजिकै पवे नगरमा भएको गोलीवारीमा एकको मृत्यु भएको छ भने तीन व्यक्ति घाइते भएका छन्। गोलीबारी यहुदी धर्मालम्बीको प्रार्थनास्थनमा भएको हो।गोलीबारी सुरु हुदाँ उक्त धार्मिकस्थलमा एक धार्मिक अनुष्ठान आयोजना भइरहेको थियो ।
घटनामा संलग्न रहेको आशंकामा जोन अर्नेस्ट नामक एक १९ वर्षिया किशोर पक्राउ परेका छन्। उनीमाथि अघिल्लो महिना एक मस्जिदमाथि भएको हवाई फायरसम्बन्धमा अनुसन्धान भइरहेको थियो ।
आक्रमणमा ‘एआर–१५ टाइप’ को असल्ट राइफल प्रयोग गरिएको प्रहरीले बताएको छ।
गोलीबारी पिट्सवर्गस्थित यहुदी धर्मालम्बीको प्रार्थनास्थनमा ‘ट्रि अफ लाइफ’मा भएको आक्रमणको ठीक ६ महिना पुगेको बेला भएको छ। आक्रमणमा ११ जना मारिएका थिए।
