दोस्रो बीआरआई अन्तर्राष्ट्रिय सहयोग शिखर मञ्च कुम्भमेलाका अवसरमा नेपालका चारजना मन्त्री र एकजना मुख्यमन्त्री एकैचोटी बेइजिङमा भेला भएका छन्। राष्ट्रपति विद्यादेवी भण्डारीको प्रतिनिधिमण्डलमा सहभागी भएका परराष्ट्रमन्त्री प्रदीपकुमार ज्ञवाली र प्रदेश ३ का मुख्यमन्त्री डोरमणि पौडेल राष्ट्रपतिसँगै विस्टन होटलमा बसेका छन्। उनीहरू राष्ट्रपति सहभागी हुने सबै कार्यक्रममा सहभागी हुनेछन्।
