गत फागुन २१ गत सेना दिवसका अवसरमा नेपाली सेनाले भद्रकालीमा आयोजना गरेको रात्रिभोजमा राष्ट्रपति विद्यादेवी भण्डारी सहभागी हुने भएपछि ट्राफिक प्रहरीले राष्ट्रपतिको सवारी हुने सडक खाली गरायो। साँझका बेला काम सकेर आ–आफ्नो घर फर्किदै गरेका सर्वसाधारणलाई राष्ट्रपतिको सवारीका लागि सडकमा लामोसमयसम्म कुराएपछि सर्वसाधारणमा धैर्यटुट्यो।मोटरसाइकल चालक तथा अन्य सवारीसाधनले ट्राफिक प्रहरीको निर्देशनलाई उल्लंघन गर्दै अघि अघि बढे। सर्वसाधारणलाई अनावश्यक दुःख दिइएको भन्दै यो घटनाबारे सामाजिक सञ्जालमा सरकार र राष्ट्रपतिको चर्को आलोचना भयो। साँझको बेला गरिएको सवारी अवरोधले सर्वसाधारणले सास्ती बेहेर्नुपर्यो।
