काठमाण्डौ – देशले लोकतन्त्र दिवस मनाइरहँदा राष्ट्रपतिको सवारीका कारण नागरिकले सडकदेखि आकाशसम्म दुःख खेपेका छन् । राष्ट्रपति विद्यादेवी भण्डारीको चीन भ्रमणको त्रिभुवन अन्तर्राष्ट्रिय विमानस्थलको आकाश झण्डै एक घन्टा बन्द गरिएको थियो ।
राष्ट्रपति भण्डारीको उडान समय बिहान ११ बजेर १० मिनेटमा थियो, तर नेपाल वायुसेवा निगमको जहाज भण्डारीलाई लिएर साढे ११ बजे मात्रै उडेको थियो । राष्ट्रपतिकै सवारीलाई ध्यानमा राखेर ४० मिनेट आकाश बन्द गर्ने पहिलेकै योजना थियो । तर उडान ढिलो हुँदा एक घन्टाभन्दा धेरै समय त्रिभुवन विमानस्थलबाट उडान र अवतरण बन्द गरिएको थियो ।
