सन् २०२० को डिभी लटरीको नतिजा आउँने दिनको उल्टो गणनाक्रम सुरू भैसकेको छ।
अमेरिकी सूचना केन्द्रका अनुसार सन् २०२० का लागि भरेको डिभी लटरीको नतिजा आउँदो मे ७ तारिख प्रकाशित हुने भएको छ।अमेरिकी पूर्वी समय दिउँसो १२ बजेदेखि डीभी लटरी परे नपरेको चेक गर्न सकिने छ।
यो नतिजा गत वर्षको अक्टोबर ३ देखि नोभेम्बर ६ सम्म डिभी लटरी भर्नेहरूका लागि हो।
यसपटक डिभी लटरी पर्नेहरूले सन् २०१९ को अक्टोबर १ देखि मात्र अमेरिकाको भिसा पाउँन थाल्नेछन्। उनीहरूले सन् २०२० को सेप्टेम्बर अन्त्यसम्ममा भिसा प्राप्त गरिसक्नु पर्नेछ। अन्यथा उनीहरूले डीभी लटरी परे पनि कोटा प्रणालीका आधारमा भिसा पाउँने छैनन्।
