काठमाडौं– वरिष्ठ अधिवक्ताहरुले न्यायालयमा भागवण्डा सैह्य नभएको बताएका छन्। न्याय परिषद्ले भागवण्डा र नातागोताका आधारमा कनिष्ठ र अयोग्यलाई सर्वाेच्च र उच्च अदालतमा न्यायाधीशमा सिफारिस तथा नियुक्त गरेका बेला अधिवक्ताहरुले भने न्यायालयमा भागवण्डा घातक भएको र यसले संविधान नै ध्वस्त पार्ने चेतावनी दिएका छन्।
नागरिक नेटवर्कको साप्ताहिक कार्यक्रम फ्रन्टलाइनमा पत्रकार श्रीराम पौडेलसँगको सम्वादमा वरिष्ठ अधिवक्ताद्वय शम्भु थापा र दिनेश त्रिपाठीले न्याय परिषद्को सिफारिस त्रुटिपूर्ण रहेको भन्दै बेञ्च बहिष्कार र कालोपट्टी बाध्नुपर्ने अवस्था आएको बताए। ‘श्रीमानहरुले जान्नु, बुझ्नु भएको छैन। बेकार इजलासमा भार किन बन्नुहुन्छ?’ वरिष्ठ अधिवक्ता थापाले प्रश्न गरे। अधिवक्ताले इजलास बहिष्कार गर्नुपर्ने अवस्था ननिम्त्याउन आग्रह गर्दै थापाले अयोग्य र कनिष्ठको इजलास बहिष्कार गर्न सार्वजनिक आह्वान समेत गरे।
