सिन्धुपाल्चोक– राजधानी काठमाडौँबाट सबैभन्दा नजिक रहेको जुगल हिमशृंखलाको चुचुरोमा पहिलो मानव पाइला परेको छ। हिमशृंखलाको ६ हजार १ सय ५१ मिटर उचाइको ग्याल्चेन पिक (चुचुरो) को पहिलो पटक सफल आरोहण भएको हो।
सगरमाथा आरोही सिन्धु चेली माया गुरुङ नेतृत्वमा तीन जनाले मंगलबार साँझ ग्याल्जेन हिमालको सफल आरोहण गरेका हुन्। गुरुङसहित जिल्लाकै मिलन लामा र सर्मिला थापाले ग्याल्जेन आरोहण गरेका छन्। ‘साँझ ५ः२० बजे हामी तीन जनाले ग्याल्जेन पिकको चुचुरो चुम्यौँ,’ सफल आरोहण गरेर आधार शिविर फर्कनुअघि आरोही गुरुङले सेटलाइट फोनबाट कुरा गर्दै भनिन्।
