काठमाडौँ । सरकारी चिकित्सकहरुको लगातारको आन्दोलनले बिरामीले सास्ती मात्र पाएका छैनन्, ती अस्पतालले दैनिक लाखौं घाटा समेत व्यहोर्न बाध्य भएको पाइएको छ ।
चिकित्सकहरुको आन्दोलनका कारण काठमाडौंका सानादेखि ठूलासम्म सरकारी अस्पताल प्रभावित हुँदा एक अस्पतालले दैनिक ११ लाखसम्म घाटा व्यहोर्नु परेको छ । यसरी हिसाब गर्दा नेपालको सवैभन्दा पुरानो वीर अस्पतालले मात्रै पछिल्लो तीन दिनमा ३३ लाख घाटा सहनुपरेको छ ।
