चार देशीय महिला कपमा नेपाल आज (बिहीबार) घरेलु टिम युगान्डासँग प्रतिस्पर्धा गर्दैछ। युगाण्डामा जारी वुमन्स डे कपमा पाँचौं दिनका खेलहरू मध्ये आज दुई खेल हुँदैछ।

आजको पहिलो खेल नामिबिया र हङकङबीच हुनेछ भने दोस्रो खेलमा घरेलु टोली युगाण्डा र नेपाल भिँड्दै छन्। खेल अपराह्न पौने ५ बजेदेखि सुरु हुनेछ।

जारी सिरिजमा कमजोर ब्याटिङ प्रदर्शन गरिरहेको नेपालले आजको खेलमा सुधार ल्याउने अपेक्षा गरिएको छ। नेपालले, जारी सिरिजमा चार खेल खेल्दा एकमा मात्र जित हात पारेको छ।

आजै हुने नामिबिया र हङकङबीचको पहिलो खेलको विजेताले फाइनल खेल्ने पक्का हुनेछ । नेपालले भोलि अन्तिम खेलमा हङकङसँग खेल्नेछ।

नेपालको टोलीः

इन्दु बर्मा (कप्तान), रुबिना क्षेत्री, पुजा महतो, अलिशाकुमारी यादव, बिन्दु रावल, सम्झना खड्का, ममता चौधरी, कविता जोशी, रिया शर्मा, सना प्रवीन, रोमा थापा, राजमती ऐरी, रचना चौधरी र ईश्वरी विष्ट।