अमेरिकाको वाशिङ्टन डीसीस्थित रोनल्ड रेगन विमानस्थल नजिकै यात्रुवाहक विमान र हेलिकप्टर आकाशमै ठोकिएका छन्।
अवतरण गर्ने तयारीमा रहेको अमेरिकन एअरलाइन्सको यात्रुवाहक विमान हेलिकप्टरसँग आकाशमै ठोक्किएको अमेरिकाको सङ्घीय नागरिक उड्डयन निकाय (एफएए)ले जनाएको बीबीसीले उल्लेख गरेको छ।
भिडियो-
क्यान्सास राज्यको विचिटाबाट आएको विमान स्थानीय समयानुसार रातको ९ बजेतिर दुर्घटना भएर पोटोम्याक नदीमा खसेको थियो। विमानमा चालक दलका ४ सहित ६४ यात्रु सवार थिए।
दुर्घटनामा परेको हेलिकप्टर अमेरिकी सेनाको 'ब्ल्याक हक' भएको बीबीसीले स्रोतलाई उदृत गर्दै भनेको छ। हेलिकप्टरमा तीन सैनिक सवार थिए।
