भारतको प्रयागराजमा जारी विश्वका हिन्दुहरूको सबैभन्दा धार्मिक तीर्थमेला तथा स्नान महाकुम्भमा भागदौड मच्चिएको छ। बुधबार भागदौड मच्चिदा दर्जनौं तिर्थालुको ज्यान गएको आशंका गरिएको छ।
बीबीसीका अनुसार कुम्भ मेलाका आगन्तुक रोक्ने साइडबार भत्किएपछि भागदौड भएको अनुमान गरिएको छ। भारत सरकारले घटनाबारे विस्तृत जानकारी सार्वजनिक गरेको छैन।
मृतकको संख्या पनि यकिन छैन। उत्तर प्रदेश प्रहरीले १४ जनाको मृत्यु भएको पुष्टि गरेको छ। तर, बीबीसीले नदी किनारमा तिर्थालुका कयौं जुत्ता चप्पल तथा कपडाहरू यत्रतत्र बेवारिसे हालतमा छरिएकोले मृतकको संख्या धेरै हुनसक्ने जनाएको छ।
स्थानीयवासीले नदी किनारमा धेरै लास देखेको उल्लेख गरेका भारतीय सञ्जारमाध्यमले जनाएका छन्।
