नेपाली कांग्रेसका नेता प्रकाशमान सिंहले पार्टीमा झाराटार्ने गरी काम भइरहेकाे भन्दै यसरी पार्टी नचल्ने बताएका छन्।
नेपाली कांग्रेस काठमाडौं क्षेत्र नं १ले बिहीबार १०० दिने अभियान अन्तर्गत आयाेजित कार्यक्रममा उनले पार्टीका आन्तरिक गतिविधि झाराटारा किसिमले गरेर नहुने भएका हुन्।
पार्टीको संगठनलाई कागजी रुपमा मात्रै सीमित गर्न नहुने भन्दै उपप्रधानमन्त्री एवम् शहरी विकास मन्त्री समेत सिंहले पार्टीलाई बलियो ढंगले अघि बढाउन सबै लाग्नुपर्नेमा जाेड दिए।
कागजमा मात्र सदस्य संख्या भएर नहुने उनले बताए। ‘पार्टी केन्द्रले भन्याे, जिल्लाले सर्कुलर गर्याे। गर्नुपर्ने भएकाे हुनाले कार्यक्रम गरेकाे भनेर भएन। झारा टारेर, आलटाल गरेर पार्टी चल्नेवाला छैन। सिरियस्ली लाग्नुपर्याे हामीसबै,’ उनले भने।
