बलिउडकी अभिनेत्री दीपिका पादुकोण पछिल्लो समय आफ्नो छोरीसँग व्यस्त छिन्। सितम्बर–८ मा छोरीलाई जन्म दिएकी थिइन् दीपिकाले। जसको नाम उनले दुआ पादुकोण सिहं राखेकी छिन्।
अहिले उनी आफ्नो छोरीसँग क्वालिटी समय बिताइरहेकी छिन्। यो वर्ष उनको फिल्म ‘कल्की २८९८ एडी’ रिलिज भएको थियो। जुन बक्सअफिसमा ब्लकबस्टर साबित भयो।
अहिले भने दर्शकहरू पर्खाइमा छन्, फिल्मको सीक्वल बन्नेमा।
यहीबीचमा दीपिकाले एक अन्तवार्तामा बताएकी छिन् कि छोरीको हेरचाहको लागि उनी करिअरबाट ब्रेक लिँदैछिन्।
केही समयअघि रणवीर सिंह र दीपिकाले छोरीलाई औपचारिक रुपमा यूटुबरहरूका लागि चिनाएका थिए। तर छोरीको फोटो भने नखिच्न दीपिकाले अनुरोध गरेकी थिइन्।
अहिले दीपिका आफ्नो छोरीको लागि लामो ब्रेक लिन लागेकी छिन्। उनले भनेकी थिइन्, ‘म नैनीको भरोसामा मात्र बस्न सक्दिनँ।’ छोरीलाई आफैंले हेरचाह गर्ने उनले बताइन्।
अब उनी लामो समयपछि मात्र फिल्ममा फर्किनेछिन्।
