सिद्धार्थ बैंक नेपाल प्रिमियर लिग (एनपिएल)मा पाेखरा एभेन्जर्सले चितवन राइनाेजसँग लज्जासपद हार ब्यहाेरेकाे छ। मंगलबार कीर्तिपुरस्थित त्रिवि क्रिकेट मैदानमा पाेखरा चितवनसँग ८७ रनले पराजित भएकाे हाे।
चितवनले दिएकाे १६२ रनकाे लक्ष्य पछ्याएकाे पाेखरा १३.२ ओभरमा ७४ रन बनाएर अलआउट भयाे। पाेखराका नारायण जाेशीले ३० र मार्कस क्रिचलीले १७ रन प्रहार गर्नुबाहेक अन्य खेलाडीले दाेहाेर अंक जाेड्न सकेनन्।
कप्तान कुशल भुर्तेल शून्य रनमा आउट भए।
सोहेल तनवीर, रिजन ढकाल र ल्यूक बेन्केस्टीनले समान ३-३ विकेट तथा दीपक बाेहराले १ विकेट लिए।
त्यसअघि टस हारेर पहिला ब्याटिङ गरेकाे चितवनले निर्धारित २० ओभरमा ७ विकेट गुमाएर १६१ रन बनाएकाे थियाे। त्यसक्रममा चितवनका रवि बाेप्राले अर्धशतक प्रहार गरेकाे थिए। उनले ३८ बलमा ३ छक्का र ३ चाैकाकाे सहयाेगमा ५१ रन प्रहार गरेका थिए।
त्यस्तै कप्तान कुशल मल्लले ३८, अमर राैतेलाले १३, ल्यूक बेन्केस्टीन १६ रन बनाए।
.jpg)
