देशभर ४१ पदका लागि भएको उपनिर्वाचनमध्य चर्चाको केन्द्रविन्दुमा रहेको काठमाडौँको कीर्तिपुर नगरपालिकामा हाल बिहानसम्मको मतपरिणामअनुसार काँग्रेसलाई एमालेले पछ्याइरहेको छ।
कीर्तिपुरको मेयरका लागि भएको उपनिर्वाचनमा बिहान ७ बजेसम्मको मतपरिणामअनुसार काँग्रेसका कृष्णमान डंगोल ७८९ मत प्राप्त गर्दै सबैभन्दा अगाडी रहेका छन्।
उनलाई नेकपा एमालेका उम्मेदवार सुरेन्द्र मानन्धरले ६६६ मत प्राप्त गर्दै पछ्याइरहेका छन्। नेकपा माओवादी केन्द्रका प्रा.डा. शिवशरण महर्जन ४६५ मत प्राप्त गर्दै हालसम्मको मतपरिणामअनुसार तेस्रो स्थानमा छन्।
स्वतन्त्र उम्मेदवार राजमान महर्जन ४१८ मत प्राप्त गर्दै चारौँ स्थानमा रही पछ्याइरहेका छन्।
.jpg)
