युइएफए च्याम्पियन्स लिग अन्तर्गत युभेन्टस पराजित भएको छ।
गएराति सम्पन्न खेलमा युभेन्टस जर्मनी क्लब भिएफबी स्टुटगार्टसँग १-० गोल अन्तरले पराजित भएको हो।
स्टुटगार्टको जितमा खेलको ९० मिनेटपछिको इन्जुरी समयमा एल बिलाल टोरेले निर्णायक गोल गरेका थिए।
यस खेलमा खेलको ८४औ मिनेटमा डानिलोले रातो कार्ड पाएपछि युभेन्टस १० खेलाडीमा सिमित भएको थियो।
स्टुटगार्टको यस सिजनमा यो पहिलो जित हो। ३ खेलमा ४ अंक हासिल गरेको स्टुटगार्ट १६औँ स्थानमा रहेको छ। त्यसैगरी युभेन्टसको भने ३ खेलमा ६ अंक रहेको छ।
