नेपाली कांग्रेसका महामन्त्री गगन थापाले प्रधानमन्त्री पुष्पकमल दाहाल प्रचण्डको अस्थिर चरित्रका कारण कांग्रेस र एमालेबीच गठबन्धन बनेकाे बताएका छन्।
बिहीबार विराटनगर विमानस्थलमा सञ्चारकर्मीसँग कुरा गर्दै महामन्त्री थापाले प्रचण्डको अस्थिर चरित्रका कारण नै नयाँ गठबन्धन बनेको बताएका हुन्।
कांग्रेस-एमालेको गठबन्धन बन्नुमा प्रचण्ड नै जिम्मेवार रहेको बताउँदै उनले चार महिनामै लसपस गर्नुपर्ने कुनै कारण नभएको टिप्पणी गरे।
उनले प्रधानमन्त्री सम्पूर्ण रुपमा अल्पमतमा परेकाेले उनले छिटोभन्दा छिटो मार्ग प्रशस्त गर्नुपर्ने बताए।
प्रधानमन्त्रीसँग मार्ग प्रशस्त गर्ने वा विश्वासको मत लिने दुई विकल्प भएको बताउँदै उनले आफूहरुले केहीदिन कुर्ने बताए।
