आइसिसी लिग- २ अन्तर्गत तेस्राे खेलमा नेपाल नामिवियासँग पराजित भएकाे छ।

कीर्तिपुरस्थित त्रिवि क्रिकेट मैदानमा नामिवियाले नेपाललाई २ विकेटले पराजित गरेकाे हाे। नेपालले दिएकाे १६९ रनकाे लक्ष्य नामिवियाले ३९.५ ओभरमा ८ विकेट गुमाएर पूरा गर्याे।

नामिवियाकाे जितमा कप्तान जर्हार्ड इरास्मुसले अर्धशतक प्रहार गरे। उनले ८ चाैका र २ छक्काकाे मद्दतमा ५२ रन बनाए।

त्यस्तै मिचेल भान लिङ्गेनले ३१, जे-जे स्मितले अविजित ३४ रन प्रहार गरे।

नेपालका कुशल भुर्तेलले ३ तथा दीपेन्द्रसिंह ऐरी, राेहित पाैडेल, ललित राजवंशी र कुशल मल्लले समान १-१ विकेट लिए।

त्यसअघि टस हारेर पहिले ब्याटिङकाे निम्ताे पाएकाे नेपाल ३७.१ ओभरमा अलआउट हुँदै १६८ रन बनाएकाे थियाे।

नेपालका ओपनर आशिफ शेखले अर्धशतक प्रहार गरे। उनले ६४ बलमा ८ चाैका र १ छक्काकाे मद्दतले ५८ रन प्रहार गरे।

त्यस्तै कुशल मल्लले ३६ र भीम सार्कीले २६ रन प्रहार गरे।

नेपाल पहिलाे खेलमा पनि नामिवियासँग पराजित भएकाे थियाे।