वाफ महिला च्याम्पियनसिप २०२४ खेल्न जाने नेपाली राष्ट्रिय महिला टोलीलाई बिदाइ गरिएको छ।
शुक्रबार बिहान अखिल नेपाल फुटबल संघ (एन्फा)ले मुख्यालयमा टोलीलाई बिदाइ गरेको हो।
टोलीलाई एन्फा अध्ययक्ष पंकजविक्रम नेम्वाङ, महासचिव किरण राई, उपाध्ययक्ष वीरबहादुर खड्काले बिदाइ गरेका हुन्।
साउदी अरेबियामा हुने उक्त च्याम्पियनसिपमा ८ टोलीले सहभागिता जनाउँदैछन्। साउदी अरेबिया, ग्वाम, लेबनान र जोर्डन समूह ‘ए’ मा छन् भने नेपाल, प्यालेस्टाइन, सिरिया र इराक समूहमा ‘बी’ रहेका छन्।
नेपालले पहिलो खेल फेब्रुअरी २० गते सिरियासँग खेल्ने छ भने फेब्रुअरी २२ मा इरानसँग तथा अन्तिम खेलमा नेपालले फेब्रुअरी २४ मा प्यालेस्टाइनविरुद्ध खेल्नेछ।
