२९ सहसचिवकाे सरुवा: बालेनले ‘कारबाही’ गरेका अधिकारी मधेस आयोगमा, अरु काे कहाँ ?

सरकारले एकैपटक २९ जना सहसचिवको सरुवा गरेको छ। संघीय मामिला तथा सामान्य प्रशासन मन्त्रालयले एकैपटक २९ जना सहसचिवको सरुवा गरेको हो।

काठमाडौँ महानगरपालिकामा मेयर बालेन साहले ‘अघोषित’ कारबाही गरेका प्रमुख प्रशासकीय अधिकृत (सहसचिव) वसन्त अधिकारीलाई सरकारले मधेस आयोगमा खटाएको छ।

यसअघि प्रमुख प्रशासकीय अधिकृत अधिकारीले महानगरको कर्मचारी नियुक्तिमा चलखेल गर्ने कर्मचारीलाई सघाएको भन्दै मेयर बालेनले उनी चढ्ने गाडी खोसिदिएका थिए।

त्यत्तिमात्रै नभएर बालेन आफैँले अधिकारीको कार्यकक्षामा ताला लगाइदिएका थिए। त्यसपछि उनी महानगर जान छोडेका थिए। अधिकारीको ठाउँमा प्रदिप परियार गएका छन्।

कसलाई कहाँ पठाइयो हेर्नुहाेस् सूची:

नारायण प्रसाद रिसाल- अर्थ मन्त्रालय

सेवान्तक पोखरेल- अर्थ मन्त्रालय, मधेश प्रदेश

सेवन्तराज दाहाल- प्रदेश प्रमुख कार्यालय, गण्डकी प्रदेश

वासुदेव दाहाल- गृह मन्त्रालय

छविन्द्र पराजुली- प्रदेश प्रमुख कार्यालय, कोशी

इश्वर कुमार गिरि- राष्ट्रिय समावेशी आयोग

गोविन्द प्रसाद रिजाल- श्रम रोजगार तथा सामाजिक सुरक्षा मन्त्तालय

हरिशरण पुडासैनी- पर्यटन उद्योग तथा सहकारी मन्त्रालय, बागमती प्रदेश

केशव प्रसाद दाहाल- शिक्षा विज्ञान तथा प्रविधि मन्त्रालय

झलक राम अधिकारी- नेपाल ट्रष्ट कार्यालय

बाबुराम ज्ञवाली- राष्ट्रिय योजना आयोग