काठमाडौँको टुँडिखेलमा माघी पर्व मनाउन पुगेकाको भीडमा च्यापिएर ८ जना घाइते भएका छन्।
सोमबार माघे संक्रातिकाे अवसरमा मगर समुदाय र थारू समुदायले आयोजना गरेका कार्यक्रममा सहभागी हुन पुगेकाहरूबीच भागदौड हुँदा उनीहरू घाइते भएका हुन्।
प्रहरीका अनुसार टुँडिखेलमा ठूलो सङख्यामा थारु र मगर समुदायका व्यक्ति माघी मनाउन जम्मा भएका थिए। भीडमा भागदौड हुँदा ८ जना घाइते भएका हुन्।
घाइतेहरुको उपचारका लागि ट्रमा सेन्टरमा भर्ना गरिएको छ। महोत्सवमास्थलमा प्रवेश गर्ने र बाहिरिनेबीच धकेलाधकेल हुँदा उनीहरु घाइते भएको प्रहरीको भनाइ छ।
