बालकुमारी आन्दोलन: एक जना आन्दोलनकारीको मृत्यु

बिएल संवाददाता

काठमाडौं

• • •

ललितपुरको बालकुमारीमा भएको आन्दोलनमा एक जनाको मृत्यु भएकाे छ।

रोजगार अनुमति प्रणाली (इपिएस) आवेदन फारम भर्न नपाएको भन्दै शुक्रबार युवाहरूले गरेकाे आन्दोलनका क्रममा एक युवककाे मृत्यु भएकाे हाे।

मृत्यु हुनेमा दैलेख घर भएका २३ वर्षीय सुजन राउत रहेका छन्। प्रहरीसँगकाे झडपका क्रममा गम्भीर घाइते भएका उनको उपचारको क्रममा किष्ट अस्पतालमा मृत्यु भएको हो।

आन्दोलित युवाहरूले भौतिक पूर्वाधार तथा यातायातमन्त्री प्रकाश ज्वालाको गाडीमा आगजनीसमेत गरेका थिए।

आगजनीपछि बालकुमारी क्षेत्र तनावग्रस्त बनेपछि स्थितिलाई नियन्त्रणमा लिन प्रहरीले अश्रुग्यास प्रहार गरेको थियाे।

ग्वार्कोस्थित इपिएस कार्यालयमा युवाहरु बिहानदेखि भेला भएर आन्दोलन गरिरहेका थिए।

(यसअघि प्रहरीकाे गाली लागेर मृत्यु भएकाे भन्नेमा सच्याइएकाे छ।)

• • •