भक्तपुरमा प्रहरी नायव निरीक्षक (सई) मृत फेला परेका छन्।
प्रहरी प्रधान कार्यालय १ नम्बर गण नक्सालमा कार्यरत सई बालकृष्ण उपाध्याय घिमिरे सूर्यविनायक नगरपालिका-८ सिपाडोलस्थित आफ्नै घरमा मृत फेला परेका हुन्।
उनी घरको तेस्रो तलामा आफ्नाे कोठाभित्र मृत फेला परेको जिल्ला प्रहरी परिसर भक्तपुरले जनाएकाे छ।
प्रहरीका अनुसार उनको मृत्युको कारण खुलेको छैन। प्रहरी वृत्त जगातीबाट अनुसन्धान अधिकृत सहितको टोली घटनास्थल पुगेर अनुसन्धान थालेकाे छ।
