जब प्रेम हुन्छ, व्यक्ति कुनै पनि सीमाबाट गुज्रन तयार हुन्छ। उनी धेरै दिन वा रातमा निदाउन सक्दैनन्। संसारमा यस्ता धेरै मानिसहरु छन् जो यसरी प्रेममा पर्छन् कि उनीहरु अरु कसैको वास्ता गर्दैनन्। संसारभरि यस्ता धेरै मानिस छन् जो आफ्नो प्रेम पाउन कुनै पनि हदसम्म जान तयार हुन्छन्।
फिल्मी दुनियाँमा यस्ता धेरै स्टारहरु छन् जसले आफ्नो माया पाउनका लागि धेरै दुख गरेका छन्। अभिनेता रणवीर सिंह र दीपिका पादुकोण बलिउडका चर्चित जोडीहरु हुन्। अहिले उनीहरू आफ्नो वैवाहिक जीवनमा खुसी छन्। तर कुनै समय यस्तो थियो कि यी दुई जना एकअर्कोसँग अपरिचित थिए।
रणवीर सिंहले दीपिकालाई पहिलो पटक सन् २०१२ मा एक अवार्ड समारोहमा देखेका थिए। रणवीरले पहिलो नजरमा दीपिकालाई प्रेम गरिसकेका थिए। एक अन्तरवार्ताका क्रममा रणवीरले बताएका थिए कि दीपिका अवार्ड समारोहमा यति सुन्दर देखिन्थिन् कि उनले आफ्नो आँखाबाट उनलाई हटाउन सकेनन्।
रणवीर र दीपिकाको पहिलो भेट सञ्जय लीला भन्सालीको घरमा फिल्म ‘गोलियों की रासलीला–रामलीला’ को सिलसिलामा भएको थियो। त्यही फिल्मबाट यी दुई जना नजिकिएका थिए।
रामलीलाको सेटमा जब दुबैको प्रेम बढ्दै गयो तब उनीहरु सेटमा एक अर्कालाई बेबी भनेर बोलाउने गर्थे। सुटिङ नभएको बेला दुवैले सँगै खाना खान्थे र भ्यानिटी भ्यानमा घन्टौं सँगै बिताउँथे। सबैले सोचेका थिए कि फिल्म सकिएपछि यो प्रेम शान्त हुनेछ।
तर जब यी दुई फेरि ‘बाजीराव मस्तानी’ फिल्ममा सँगै देखिए, यस्तो लाग्यो कि यो प्रेम धेरै टाढा जान्छ। ‘राम लीला’को रिलिजपछि रणवीरले एकपटक दीपिकाको नाम नलिइकन आफू कसैसँग प्रेममा रहेको खुलासा गरेका थिए। यद्यपि, प्रशंसकहरूलाई केटी को हो भन्ने थाहा थियो।
राम लीलापछि रणवीर र दीपिका पादुकोणले ‘फाइन्डिङ फ्यानी’, ‘बाजीराव–मस्तानी’ र ‘पद्मावत’ मा काम गरेका थिए। सँगै काम गर्दा दुवैको प्रेम अझ गहिरो भयो। त्यसपछि उनीहरुले सन् २०१८ सालमा विवाह गरे। अहिले उनीहरू खुसीका साथ जीवन बिताइरहेका छन्।
