अस्पतालकाे सेवा बन्द गरेर डाक्टरहरू माइतीघर हिँडेपछि टिचिङमा बिरामीकाे बिचल्ली (तस्बिरहरू)

पोखरास्थित मणिपाल शिक्षण अस्पतालका चिकित्सकमाथि हातपात भएको विरोधमा काठमाडौँको त्रिवि शिक्षण अस्पतालकाे डाक्टरहरूले आकस्मिकबाहेकका सेवाहरू बन्द गरेपछि बिरामीहरू बिचल्लीमा परेका छन्।

डाक्टरहरूले अस्पतालकाे आकस्मिकबाहेकका सबै सेवा बन्द गरेर आन्दाेलनका लागि माइतीघर हिँडेपछि बिरामीहरू अलपत्र परेका हुन्।

आफूहरूलाई अस्पताल बाेलाएर डाक्टरले सबै सेवा बन्द गरेकाे भन्दै बिरामी आक्राेशित भएका छन्। डाक्टरहरूले जुन ठाउँ कुटाइ खाएकाे हाे त्यही ठाउँमा समिति बनाएर समाधान गर्नुपर्ने र अर्काे ठाउँ आन्दाेलन गर्न नहुने उनीहरू बताउँछन्।

पोखरास्थित मणिपाल शिक्षण चिकित्सकमाथि हातपात भएकाे भन्दै त्रिवि चिकित्सक तथा स्वास्थ्यकर्मीहरूले आफ्नाे सुरक्षाकाे माग गर्दै प्रदर्शनमा उत्रिएका छन्।

प्रकाशित मिति: : 2023-09-26 12:01:00

प्रतिकृया दिनुहोस्

ट्रेन्डिङ