अहिलेको व्यस्त मान्छेलाई आफ्नै छोराछोरी स्याहार्न पनि समय नपुग्ने भएको छ, कसले स्याहारोस् सडकका छाडा गाईगोरू!
यस्तो सोच्नु सामान्य कुरा हो तर कहिलेकाहीँ त यही पनि गलत ठहरिँदो रहेछ। यसको प्रमाण हुन् सुदूरपश्चिम कञ्चनपुरको भीमदत्त नगरपालिका–१८, महेन्द्रनगरकी मञ्जु शाही। उनले सडकमा छाडिएका जनवारको उद्धार गर्न थालेको र तिनको अधिकारको आवाज उठाएको ११ वर्ष भयो।
पहिले त उनी स्कुल शिक्षक थिइन्, ३२ वर्ष पढाइन्।
