संघीय मामिला तथा सामान्य प्रशासन मन्त्रालयले स्वीकृति नलिई लोक सेवा आयोगको परीक्षाका लागि कोचिङ/ट्युसन पढाइरहेका शाखा अधिकृतदेखि सचिवसम्मका ७० जना कर्मचारीलाई स्पष्टीकरण सोधेको छ ।
अख्तियार दुरुपयोग अनुसन्धान आयोगको निर्देशनपछि उनीहरूलाई स्पष्टीकरण सोधिएको हो । कार्यालय समयमै पनि सरकारी स्रोत साधनको दुरुपयोग गरी कोचिङ पढाउने गरेको भनी अख्तियारमा उजुरी परेको थियो ।
