पशुपति क्षेत्र विकास कोषका तत्कालीन सदस्य सचिव डा. प्रदिप ढकालविरुद्ध भ्रष्टाचार मुद्दा दायर भएकाे छ।
साेमबार अख्तियार दुरुपयोग अनुसन्धान आयोगले गैरकानूनी सम्पत्ति आर्जन गरेकाे अभियोगमा ढकालविरुद्ध विशेष अदालतमा मुद्दा दायर गरेकाे हाे।
आयोगले एक करोड ४४ लाख ११ हजार ७८१ सम्पत्ति स्रोत नखुलेको दावीसहित ढकालविरुद्ध मुद्दा दायर गरेको हाे।
वि.सं. २०७४ साल साउनदेखि २०७९ साल जेठ ३० गतेसम्म कोषको सदस्य सचिव रहेका डा. ढकालले पदीय दुरुपयोग गरी अस्वभाविकरुपमा सम्पत्ति आर्जन गरेको भन्ने उजुरीका आधारमा छानविन गर्दा गैर कानूनीरुपमा सम्पत्ति आर्जन गरेको देखिएकाले विशेष अदालतमा मुद्दा दायर गरेको आयोगद्वारा जारी विज्ञप्तिमा उल्लेख छ।
अख्तियारले बिगो रकम र कैद सजायको माग गरेकाे छ। उनी पशुपतिनाथ मन्दिरको जलहरी प्रकरणमा समेत विवादमा परेका थिए।
सदस्य सचिवका रूपमा डा ढकालको चार वर्षीय कार्यकाल २०७८ साल साउनमा पूरा भएको थियो।
