लागुपदार्थ दुर्व्यसन, कर छली, पिताको नामको दुरुपयोगजस्ता विवादमा फसिरहने अमेरिकी राष्ट्रपति जो बाइडेनका छोरा हन्टर बाइडेनको आपत्तिजनक तस्बिरहरु एक वेब साइटमा प्रकाशित भएपछि पुन: चर्चा चुलिएकाे छ।
प्राय: तस्बिरहरुमा उनी अमेरिकाका चर्चित सोसलाइट महिला अर्थात् अमेरिकी समाजमा यौनकर्मीहरुको साथमा भएको देख्न सकिन्छ। यसको साथै उनका पिता र मातासहित परिवारका सदस्यहरुलाई पनि देख्न सकिन्छ। लामो समयसम्म अफिमको कुलतमा फसेको स्वीकार गरेका हन्टरले गाँजा तान्दै गरेको तस्बिर पनि समावेश भएको कारण उनी हालसम्म पनि त्यो कुलतमा फसिरहेको ठोकुवा गर्न सकिन्छ।
सन २००८ देखि २०१९ सम्म लिइएका ती तस्बिरहरु अमेरिकाको साथै काबो, सेन लुकास, कोसोभो, डोमिनिकन रिपब्लिक, चीन, लन्डन, पेरिस र बेलग्रेडको अत्याधिक महंगा होटल र रिसोर्टहरुमा खिचिएका छन्।
बाइडेन परिवारकै एक सहयोगीद्वारा सार्वजनिक गरिएका ती तस्बिरहरु बाइडेनल्याप्टप मिडिया डटकम (bidenlaptopmedia.com) नामक वेबसाइटमा हेर्न सकिन्छ।
४ फेब्रुअरी १९७० को दिन जन्मेका हन्टर ‘व्युटिफुल थिङ्स’ नामक पुस्तकका लेखक पनि हुन्।
