पदमपुरकी सुकमाया थापा घाईते भएकी आमालाई भरतपुर अस्पतालको आकस्मिक कक्षमा पछ्यौराले हम्कँदै थिइन । स्कुटरबाट खसेर घाइते भएकी ८० आमालाई चिकित्सकले अस्पतालमा राखेर उपचार गर्न सुझाव दिएका छन्। तर, अस्पतालमा राख्नको लागि शैयाँ खाली छैन। आमाको उपचार कसरी गर्ने भन्नेमा उनी अन्योल छिन्। स्कुटर पछाडिबाट घसेर टाउँको र हातमा चोट लागेको छ। रिपोर्ट आउन अझै बाँकी छ। डाक्टरले आज भर्ना गर्नुपर्छ भन्नुभएको छ, आइतबार आकस्मिक सेवामा उपचार गराइरहेकी थापाले भनिन्, वार्डमा बुझ्दा खालि छैन भन्नुभएको छ।’
राप्ती ११ स्थित शिखरडाँडाका कविराज चेपाङ स्वासप्रसासमा समस्या भएपछि बुवालाई अस्पतालमा लिएर आएका छन्। उनलाई चिकित्सकले आइसियू खोज्न भनेका छन्। तर, भरतपुर अस्पतालमा आईतबार साँझ ४ बजेसम्म उनले आईसियू पाएका थिएनन् । उनको उपचार आकस्मिक कक्षमै अक्सिजन दिएर भैइरहेको छ। ‘डाक्टरले आइसियूमा राख्न भन्नुभएको छ। अहिले खाली छैन । यहाँ राखेर उपचार भैरहेको छ,’ बुवाको अनुहार तिर हेर्दै उनले भने, ‘खाली भएपछि लैजान भन्नुभएको छ।’
