राजधानीसँगै जोडिए पनि काँठ क्षेत्रबारे पत्रकारिता क्षेत्रमा रिपोर्टिङ हुन सकिरहेको छैन।
उदाहरणका लागि काठमाडौँमा हुने जात्राहरूको सरकारले बिदा दिन्छ, खर्च पनि उपलब्ध गराउँछ।
उपत्यकासँगै जोडिएका जिल्लाहरूमा पनि जात्रा हुन्छ न त खर्च दिन्छ, न त बिदा नै दिन्छ। यसको अर्थ जात्रा हुने अन्य स्थानमा पनि बिदा दिनुपर्छ भनेको होइन, तर कुनै जात्रालाई राष्ट्रिय महोत्सवजस्तो गर्ने, कुनै जात्रालाई मतलबै नगर्ने सरकारको रवैया ठीक होइन।
उपत्यकासँग जोडिएका जिल्ला त बत्तीमुनिका अध्याँरोमा छन् भने झन सुदूर जिल्लामा हुने सांस्कृतिक पर्वहरूमा सरकारको ध्यान जाने कुरै आएन।
सांस्कृतिक कुरामा मात्रै होइन, काँठ क्षेत्रका धेरै विषयको उठान हुन आवश्यक छ। तर जसरी हुनुपर्ने हो त्यसरी हुन सकिरहेको छैन।
