जापानको ओइता आर्थिकरुपमा कमजोर र भौगोलिकरुपमा ७० प्रतिशत उबडखापड तथा जंगलले ढाकेको पहाडी क्षेत्र हो । त्यही ओइता ‘एक गाउँ एक उत्पादन’ (ओपीओभी)को प्रणेता कहलिन्छ । स्थानीय मौलिक वस्तु तथा सेवाको प्रबद्र्धन, कृषि तथा घरेलु उद्योगको विकासको आधारशीलाका रुपमा यो अभियान सन् १९७९ ताका थालिएको थियो ।
ओइताका तत्कालीन गर्भनर मोरिहिरो हिरामाथुलाई एक गाउँ एक उत्पादन आर्थिक विकासको गतिलो कडी बन्न सक्छ विस्वास थियो । सोही विश्वासअनुरुप उनले केन्द्रीय सरकारको सहयोगबिना धान उत्पादन गर्न नसकिने जमिनमा यस अभियानको जग बसाएका थिए ।
