कर्णाली प्रदेश सरकाबाट नेकपा (एमाले)का मन्त्रीहरूले राजीनाका दिएका छन्। एमालेबाट कर्णाली सरकारमा सहभागी मन्त्रीहरूले आइतबार राजीनामा दिएका हुन्।
एमालेबाट कर्णालीमा आर्थिक मामिला तथा योजना मन्त्री विनोदकुमार शाह, सामाजिक विकास मन्त्री टेकराज पछाई र उद्योग, पर्यटन, वन तथा वातावरण मन्त्री जीतबहादुर मल्ल गरी तीन जना सरकारमा सहभागी भएका थिए।
गत पुस २७ गते एमाले, माओवादी केन्द्र, राप्रपा, एकीकृत समाजवादीको समर्थनमा माओवादी संसदीय दलका नेता राजकुमार शर्मा मुख्यमन्त्री नियुक्त भएका थिए।
त्यसपछि मुख्यमन्त्री शर्माले विश्वासको मत लगिसकेपछि मात्रै सरकारलाई पूर्णता दिएका थिए।
शर्मालाई पहिलोपटक माओवादी केन्द्रका १३, नेकपा एमालेका ९, राष्ट्रिय प्रजातन्त्र पार्टी, एकीकृत समाजवादी र स्वतन्त्र १ र १ गरी २५ संसदले विश्वासको मत दिएका थिए।
यस्तै राप्रपाले गत फागुन १८ गते मुख्यमन्त्रीलाई दिएको समर्थन फिर्ता लगेपछि चैत १७ गते दोस्रो पटक मुख्यमन्त्रीले विश्वासको मत लिएका थिए।
उनलाई दोस्रो पटकमा राप्रपाबाहेक अन्य सबै दलले विश्वासको मत दिएका थिए।
पत्र :
