फेसन डिजाइनर आर्शिया बानुको बुटिक पुग्दा एक छिन अलमल्ल भएँ । बुटिकको लबीको भित्ता गल्फमा जितेका शिल्ड, मेडल र सम्मानपत्रहरूले सजिएका छन् । आधा दशकअगाडिसम्म उनको परिचय फेसन डिजाइनर आर्शिया बानुमा सीमित थियो । २३ वर्षअघि आर्शिया कर्टेज नामक बुटिक खोलेर फेसन दुनियाँमा स्थापित भएकी थिइन् ।
बुटिकमा आउने ग्राहक पनि मजस्तै एक छिन अलमल्ल भएर प्रश्न गर्ने रहेछन्– यो गल्फका अवार्डहरू तपाईंको श्रीमान्को ?
अनि, उनी हाँस्दै भन्छिन्– म सिंगल वुमन । यो सबै मैले जितेका शिल्ड र प्रमाणपत्रहरू हुन् ।
