काठमाडौँ । माइक्रोबायोलोजी पढेका विद्यार्थीहरूलाई राज्यले लाइसेन्स नदिँदा समस्यामा परेका छन् ।
देशभरका विभिन्न कलेजहरूमा बीएस्सी र एमएस्सी माईक्रोबायोलोजी पढेका ४ हजार भन्दा बढी विद्यार्थीलाई राज्यले लाइसेन्स दिन सकेको छैन । यसले उनीहरु सरकारी सेवाबाट वञ्चित भएका छन् । राज्यबाट लाइसेन्ससमेत नपाएपछि उनीहरूलाई विदेश पलायन हुने बाध्यता छ । देशको दक्ष जनशक्तिलाई राज्य नै विदेशतिर लखेटिरहेको देखिन्छ ।
चार वर्षे बीएस्सी माइक्रोबायोलोजी र एमएस्सी माइक्रोबायोलोजी पढेका विद्यार्थीले लामो समयदेखि राज्यसँग लाइसेन्स दिनुपर्ने माग राख्दै आएका छन् । तर, सरकारी निकाय उदासीन छ ।
