प्रधानमन्त्री तथा नेकपा माओवादी केन्द्रका पुष्पकमल दाहाल ‘प्रचण्ड’, नेपाली कांग्रेसका सभापति शेरबहादुर देउवा र नेकपा एमाले अध्यक्ष केपी शर्मा ओलीबीच भेटवार्ता भएकाे छ।
प्रधानमन्त्री कार्यालय सिंहदरबारमा प्रमुख दलका तीन शीर्ष नेताबीच सोमबार भेटवार्ता भएको हाे। राष्ट्रिय स्वतन्त्र पार्टी (रास्वपा) सरकारबाट बाहिरिएपछि उनीहरूबीच भेट भएकाे हाे।
भेटमा समसामयिक राजनीति, राष्ट्रपति, राष्ट्रिय सहमतिको सरकार बनाउने लगायतका विषयमा छलफल भएकाे बताइएकाे छ।
भावी राष्ट्रपतिको विषयलाई लिएर दलहरुबीच तिक्तता बढिरहेका बेला प्रधानमन्त्री प्रचण्डले एकैपटक ओली र देउवासँग छलफल गरेका हुन्।
प्रधानमन्त्री प्रचण्डले राष्ट्रपति कांग्रेसलाई दिन लागेको भन्दै प्रमुख सत्तासाझेदार दल एमाले अध्यक्ष ओलीमा सशंय पैदा भइरहेका बेला शीर्ष तीन नेताबीच भेटवार्ता भएको हो।
