अमेरिकी समाचार संस्था 'द न्युयोर्क टाइम्स'का १४ सयभन्दा बढी कर्मचारीहरूले हडताल गरेका छन्।
अमेरिकाको पेपर अफ रेकर्ड भनेर चिनिने मिडिया आउटलेटका पत्रकार र अन्य कामदारहरू कम्पनीसँग सन्तुष्ट छैनन्।
टाइम्स प्रशासनसँग महिनौँदेखि समाधानको अपेक्षामा पर्खि बसेका सयाैँ पत्रकार र कर्मचारीहरू अन्ततः समाचार कक्ष बन्द गर्न बाध्य भएका छन्। उनीहरूले मिडियाका उच्च अधिकारीलाई एउटा पत्र लेख्दै खाइपाइ आएकाे ज्याला र सेवा–सुविधा नबढाएमा हडताल जारी राख्ने चेतावनी दिएका छन्।
'टाइम्स गिल्ड'का सदस्यहरूले विज्ञापन र प्रशासन शाखासहित सबै विभागमा कार्यरत झण्डै १४ सयभन्दा बढी टाइम्सकर्मीले तलब वृद्धिका लागि दबाब दिइरहेका छन्।
टाइम्सका प्रमुख कार्यकारी मेरिडिथ कोपिट लेभिएनले आफ्नो हडताललाई पाठकसामु 'निराशाजनक र कठोर कदम' भएकाे बताएका छन्। टाइम्सका पत्रकारहरूले पर्याप्त मात्रा तलब वृद्धि, सेवा–सुविधा विस्तार र काम गर्न सक्ने सहज वातावरण होस् भन्दै नेतृत्वसामु माग राखेका छन्।
.jpg)
