थाइल्यान्डको सबैभन्दा चर्चित ‘चावेङ समुन्द्री तट’मा आजभोलि पर्यटकहरू बढ्न थालेका छन्।
कोरोना महामारीले तीन वर्षसम्म थलिएको ‘चावेङ समुन्द्री तट’ विस्तारै जाग्दै छ। पर्यटकहरू भरिँदै छन्। चारैतिर रमाइलो छ।
भियतनाम, मलेसिया, इन्डोनेसिया, भारत र फिलिपिन्सबाट दिनदिनै मानिसहरू आइरहेको स्थानीयहरू बताउँछन्। ‘चावेङमा उत्सव बढ्दै छ। तर पहिलेझैँ छैनन्, पर्यटक,’ तटीय व्यापारीहरू भन्छन्।
थाइल्यान्ड पर्यटकहरूका लागि पूर्णरुपमा खोलिएको छ। समुन्द्री तटहरू खुलमखुला छन्। मनोरञ्जनका लागि युवा–युवातीहरू तैनाथ छन्।
