दाङ क्षेत्र नम्बर २ मा प्रतिनिधि सभा सदस्यका लागि सत्तारुढ गठबन्धनबाट नेकपा (माओवादी केन्द्र) की रेखा शर्माले उम्मेदवारी मनोनयन दर्ता गरेकी छन्।
शर्माले घोराहीमा रहेको क्षेत्र नम्बर २ को निर्वाचन अधिकृतको कार्यालयमा पुगेर उम्मेदवारी दर्ता गराएकी हुन्। शर्मा पूर्व सामान्य प्रशासन मन्त्री हुन्।
सत्ता गठबन्धनबाट क्षेत्र नम्बर २ (क) मा नेपाली कांग्रेसका राजु खनाल र २ (ख) मा कांग्रेसकै प्रचण्ड विक्रम न्यौपानेले उम्मेदवारी मनोनयन दर्ता गरेका छन्।
दाङ क्षेत्र नम्बर २ मा नेकपा एमालेका महासचिव शंकर पोखरेल पनि उम्मेदवार छन्।
