सिरहाकाे लहान यायायात व्यवस्था कार्यालयका कम्प्युटर अधिकृत विजय दाहालले चालक अनुमति प्रमाणपत्र बनाउन मासिक ३ देखि ५ कराेड रूपैयाँसम्म अनाधिकृत रूपमा असुल्दै आएकाे तथ्य फेला परेकाे छ।

बिएल नेपाली सेवालाई प्राप्त प्रमाणहरूले दाहालले मासिक ३ देखि ५ कराेड रूपैयाँ अनाधिकृत रूपमा असुल्दै आएकाे पाइएकाे हाे।

गत वर्षकाे चैत महिनामा दाहालले बिचाैलिया जयप्रकाश साह (जेपी) मार्फत अनाधिकृत रूपमा  २ कराेड ८४ लाख रूपैयाँ लिएका थिए (हे.लिस्ट)।

प्राप्त लिस्टअनुसार गएकाे चैत महिनामा कार/जिपकाे ५ सय ८४ वटा सवारी चालक अनुमति प्रमाणपत्र बनाए बापत दहालले १ कराेड १६ लाख ८० हजार रूपैयाँ बुझेका थिए।

माेटर साइकलकाे १ हजार लाइसेन्स बनाएबापत दाहालले १ कराेड रूपैयाँ अनाधिकृत रूपमा असुलेकाे देखिन्छ। त्यस्तै टेम्पाेकाे १ सय २३ वटा लाइसेन्स बनाएकाे दाहालले १२ लाख ३० हजार, मिनि बस र हायसकाे ५० वटा लाइसेन्स बनाएकाे १० लाख रूपैयाँ दाहालले बुझेका थिए।

हेब्बी ट्रक/बसकाे १ सय वटा लाइसेन्स बनाएकाे दाहालले २५ लाख लिएका थिए। त्यस्तै जेसिबी, राेड लाेडरकाे ५० वटा लाइसेन्स बनाएबापत दाहालले १५ लाख गरी दाहालले गएकाे चैत महिनामा मात्रै २ कराेड ८४ लाख १० हजार रूपैयाँ लिएका थिए।

सवारी चालक अनुमति प्रमाणपत्र वितरण शाखाका एक कर्मचारीका अनुसार लाइसेन्स बनाएबापत कम्प्युटर अधिकृत दाहालले मासिक ३ देखि ५ कराेडभन्दा बढी रकम बिचाैलियाका नाइके जेपीमार्फत बुझ्दै आएका छन्। यस विषयमा प्रतिक्रिया लिन सम्पर्क गर्दा दाहालकाे माेवाइल अफ थियाे।