रुपन्देहीको तिलोत्तमामा एक महिलाले श्रीमानको हत्या गरेकी छिन्।
तिलोत्तमा नगरपालिका –१५ मा ३९ वर्षीया ग्रिजादेवी थारुले ४२ वर्षका जगदीश चौधरीको हत्या गरेकी हुन्।
इलाका प्रहरी कार्यालय बुटवलका अनुसार थारुले मंगलबार राति आफ्नै घरको कोठाभित्र खाटमा सुतिरहेको अवस्थामा फलामको धारिलो हतियारले घाँटी तथा शरीरका विभिन्न भागमा प्रहार गरी श्रीमान जगदिशको हत्या गरेकी हुन्।
थारुको छिमेकी ५२ वर्षीय फूलचन्द्र बनियाँसँग अवैध सम्बन्ध रहेको थाहा पाएपछि उनीहरूबीच पटक–पटक झगडा हुने गरेको थियो।
जगदिशको हत्या गर्न बानियाँले पनि सघाएको भन्दै प्रहरीले बनियाँलाई समेत पक्राउ गरेको इलाका प्रहरी कार्यालय बुटवलका प्रमुख ठगबहादुर केसीले बताए।
घटनाबारे थप अनुसन्धान भइरहेको छ।
