चिनियाँ राष्ट्रपति सि चिनफिङ, त्यहाँको सैन्य आयोगका अध्यक्ष पनि हुन्। चिनियाँ कम्युनिस्ट पार्टीका महासचिव सिलाई कुनै बेला सीपीसीको सदस्य बन्न नै कठिन परेको थियो।
चिनियाँ सरकारी सञ्चार माध्यम सीसीटीभी र सिन्ह्वाले राष्ट्रपति सीको कथा भन्ने गरि 'फुटप्रिन्ट' नामको भिडियो सिरिज चलाएका छन्। पछिल्लो चालिस वर्षको सीको कथा र राजनीतिक उपलब्धीलाई देखाउने गरि तयार पारिएको भिडियोमा सिले गरेको संघर्ष र परिवर्तनका कथा समेटिएका छन्।
मे २३ बाट प्रशारण सुरु गरिएको यो सिरिज ५० भागको हुनेछ। यसै वर्ष हुने सीपीसीको जनकंग्रेसबाट सि तेस्रो कार्यकालका लागि महासचिव हुँदैछन्। महासचिवसँगै तेस्रो कार्यकालका लागि राष्ट्रपति पनि हुँदै छन् उनी।
जनवरी १९६९ मा सि लियाङचियाह गाउँ पुगेका थिए। उनी त्यहाँ पुग्दा गाउँमा खेत बाँझा थिए। उत्पादन थिएन्। उनले त्यतिबेलै सीपीसीको सदस्यताका लागि आवेदन दिएका थिए उनले। तर सीपीसीको सदस्य बन्ने बाटो भने सहज भएन। १० औं पटकको आवेदन पछि मात्र उनले सदस्यता पाएको सिन्ह्वाले सोमवार प्रशारण गरेको सामाग्रीमा उल्लेख छ।
