बेलायतमा सत्तारुढ कन्जरभेटिभ पार्टी नेतृत्वका लागि आधा दर्जनभन्दा बढी नेता आकांक्षी बनेका छन्।
जोनसनलाई विस्थापित गर्ने दौडमा दुई जना पूर्वस्वास्थ्यमन्त्री –साजिद जाविद र जेरेमी हन्ट पनि कन्जरभेटिभ पार्टी नेतृत्व सम्हाल्ने र प्रधानमन्त्री बन्ने दौडमा आकांक्षा देखाएका छन्।
पार्टी नेतृत्वका लागि आकांक्षा राख्ने उनीहरू पछिल्ला दुई नेता हुन। दुबैले आफ्ना योजनाहरू घोषणा गरेका छन्।आफू एकमात्र प्रमुख उम्मेद्वार भएको हन्टले जोड दिएका छन्।उनले जोनसन मन्त्रिपरिषद्मा काम भने गरेका छैनन्। यसअघि ६ जनाले आफ्नो आकांक्षा देखाएका थिए।
प्रधानमन्त्रीका सबै दाबेदारको मुख्य मुद्दा कर बनेको छ। जाभिद र हन्टले कर कटौतीका लागि आह्वान गरेका छन्।जाविदले राष्ट्रिय बीमामा वृद्धि रद्द गर्ने वाचा गर्दै आएका छन्।
प्रधानमन्त्रीको दौडमा कुलपति नदिम जाहावी र यातायातमन्त्री ग्रान्ट साप्स छन्। दुबैले कर कटौती गर्ने वाचा गरेका छन्। यतिबेला कर बृद्धि गरेको आरोपमा पूर्वमन्त्री ऋषि सुनाकको आलोचना भइरहेको छ। त्यस्तै, न्यून कर राज्यको आह्वान गर्ने महान्यायाधिवक्ता सुएला ब्रेभरम्यानले पनि अभियान सुरु गरेका छन्।
विदेशमन्त्री लिज ट्रस पनि प्रधानमन्त्रीको दौडमा रहेको उनका सहयोगीले बताएका छन्। सुनकले ल्याएको स्वास्थ्य कर उल्टाउने वाचा गरेकी छिन्।
त्यस्तै, पूर्व समानतामन्त्री केमी बडेच र विदेश मामिला समितिका अध्यक्ष टम टुगेनधाट पनि जोनसनलाई विस्थापित गर्ने दौडमा छन्। पार्टीको नेतामा विजयी भएका व्यक्ति प्रधानमन्त्री हुनेछन्।
