विश्वबाट वर्तमान कोरोना प्यान्डेमिक निर्मूल हुने क्रममा हाल यस संक्रमण निकै कम देशमा सीमित भइसकेको छ।
विश्वका अधिकांश देशमा दैनिक संक्रमण दर ५% भन्दा कम भइसकेको छ जुन प्यान्डेमिक कालमा डब्लुएचओको मापदण्डभन्दा कम अर्थात् मापदण्डभित्र पर्छ।
दैनिक संक्रमण दर अर्थात् पोजिटिभिटी ५% भन्दा कम हुनु प्यान्डेमिक नियन्त्रण मानिन्छ भने ३०% माथि हुनु अति उच्च संक्रमण दर मानिन्छ। यद्यपि, विश्वका केही देशमा पछिल्लो समय संक्रमण दर ३०% भन्दा माथि छ।
पछिल्लो अवस्थामा प्यान्डेमिक लहर निकै उच्च रहेका केही सीमित देशमा पश्चिमी युरोप र पश्चिमी प्यासिफिक क्षेत्रका केही देश पर्छन्। विश्वका बाँकी अन्य देशमा कोरोना संक्रमण र प्यान्डेमिक अवस्था निकै शान्त देखिन्छ।
