वाणिज्य आपूर्ति तथा उपभोक्ता संरक्षण विभागले काठमाडौंको दरबारमार्गस्थित राइजिङ मलको ब्लुबर्ड मार्ट प्रा.लि.र यसु इन्टरनेशनल (मिनिशु) मा अनुगमन गरेको छ।
उक्त मार्टहरुमा म्याद सकिएका सामानहरु विक्री वितरण भइरहेको छ भन्ने सूचनाका आधारमा विभागले अनुगमन गरेको विभागका कर्मचारी गंगा तिमिल्सिनाले बिएल नेपाली सेवालाई जानकारी दिइन्।
सो अनुगमनमा ब्लुबर्ड मार्टमा दर्ताको प्रमाणपत्र नभएको र केही सामान म्याद सकिएको भेटिएको उनले बताइन्।
‘यसु इन्टरनेशनलमा स्टकमा भएको केही सामानमा मूल्यसुची समेत राखिएको थिएन’ उनले भनिन्।
उपभोक्ता संरक्षण ऐन २०७५ को दफा ३९, १ (घ) अनुसार जनही रु ५०–५० हजार जरिवाना दिनुपर्ने तिमिल्सिनाले बताइन्। अनुगमन गरिएको मार्टहरुले समबन्धित कागजात चुस्तदुरुस्त राख्न निर्देशन पनि दिइएको बताइएको छ।
