सिगास गाउँपालिका अध्यक्षमा धामीको उम्मेदवारी घोषणा
बैतडीको सिगास गाउँपालिकाका अध्यक्ष हरिसिंह धामीले पुनः अध्यक्षमा उम्मेदवारी घोषणा गरेका छन्। दशाैँ गाउँसभाको सम्बोधन गर्दै उनले आफू आसन्न निर्वाचनमा पुनः अध्यक्षका लागि उम्मेदवार बन्ने बताएका हुन्।
उनी नेपाली कांग्रेसका नेता हुन्।
सिगास गाउँपालिकामा सडक, विद्युत, शिक्षा, स्वास्थ्य, कृषि, पशुपालन तथा स्वरोजगार लगायतका क्षेत्रमा राम्रो प्रगति भएको उनले बताए।
स्थानीय तहकाे निर्वाचन आगामी वैशाख ३० मा हुँदैछ।
