यस साता नेपाल स्टक एक्सचेन्ज (नेप्से) सूचक १ सय ५१ दशमलव २८ अंकले घटेको छ। गत साताको अन्तिम दिन २ हजार ९ सय ३१ दशमलव २६ को बिन्दुमा रहेको नेप्से सूचक साताको चार दिन लगातार घटेर बिहीबार भने ३ दशमलव ३३ अंकले बढेर २ हजार ७ सय ७९ दशमलव ९८ को बिन्दुमा पुगेको हो।

यस साता २ सय ४६ कम्पनीको २८ अर्ब ९७ करोड १२ लाख ६१ हजार ८ ससय ९ रुपैयाँ बराबरको ५ करोड ७५ लाख ८६ हजार ६ सय ९२ कित्ता सेयर कारोबार भएका छन्। लगानीकर्ताले झन्डै १ खर्ब ९८ अर्ब रुपैयाँ पुँजी गुमाएका छन्। साताको सुरुवातमा ४१ खर्ब २७ अर्ब रुपैयाँ रहेको कुल बजार पुँजीकरण बिहीबारको कारोबारपश्चात् घटेर ३९ खर्ब २८ अर्ब रुपैयाँमा सीमित भएको छ।